Ish-ministri i drejtësisë i Kinës burgoset për ryshfet
Nga OraNews Përditësimi i fundit 22 Shtator 2022, 16:00
Ish-ministri i drejtësisë i Kinës, Fu Zhenghua, i cili udhëhoqi disa fushata kundër korrupsionit, është burgosur për ryshfet.
Fu u deklarua fajtor në korrik për pranimin e 16.5 milionë dollarë dhurata dhe para për përfitime personale.
Të enjten, një gjykatë në Changchun i dha atij një dënim me vdekje e që më pas u zëvendësua me burgim të përjetshëm.
Dënimi i tij vjen mes një goditjeje të papritur ndaj zyrtarëve përpara një kongresi kyç të Partisë Komuniste muajin e ardhshëm.
Partia në pushtet e Kinës e mban këtë ngjarje një herë në pesë vjet dhe këtë herë presidentit Xi Jinping pritet t'i jepet një mandat i tretë historik dhe të konsolidojë pushtetin e tij.
Burgimi i Fu të enjten pason dënimin e tre ish-shefave të tjerë të policisë provinciale këtë javë. Të katër burrat akuzohen jo vetëm për korrupsion, por edhe për mosbesim ndaj Xi.
Vapa iku me gushtin por zjarret po vijojnë edhe në vjeshtë
22 Shtator, 15:46
Ata të gjithë dyshohet se kanë qenë pjesë e një rrethi politik të udhëhequr nga një ish-shefi tjetër i sigurisë, Sun Lijun. Sun, i cili aktualisht është në pritje të dënimit të tij, thuhet se ka krijuar fraksionin e tij politik duke ndihmuar në ngritjen e zyrtarëve të tjerë në aparatin e sigurisë.
