Koreja e Veriut lëshon sërish raketa të reja "të paidentifikuara", dyshohet të jenë balistike
Nga OraNews Përditësimi i fundit 17 Janar 2022, 12:26
Koreja e Veriut lëshoi sot dy raketa "të paidentifikuara" në detin në lindje të Gadishullit Korean, që besohet të jenë balistike, tha stafi i mbrojtjes kombëtare të Koresë së Jugut.
Sipas Qeverisë së Japonisë, testimet e 17 janarit përbëjnë testin e katërt këtë muaj të raketave në Korenë Veriore.
“Koreja e Veriut ka lëshuar dy raketa të llojit të panjohur në Detin Lindor, i njohur gjithashtu si Deti i Japonisë”, tha selia e Seulit në një deklaratë, duke cituar rojet bregdetare japoneze.
“Koreja e Veriut duket se ka lëshuar një raketë që mund të ketë qenë një raketë balistike”, tha një zëdhënës i Rojes Bregdetare Japoneze, duke iu referuar njërës, pa dhënë detaje mbi orbitën e saj.
Rojet bregdetare japoneze tha se predha me sa duket ra në det menjëherë pasi u lëshua. Të premten, Koreja e Veriut lëshoi dy raketa të rregullta të drejtuara nga një tren.
Më 2021, Koreja Veriore ka thënë se ka testuar me sukses një raketë balistike të lëshuar nga një nëndetëse dhe një mori raketash tjera, duke përfshirë edhe atë hipersonike.
Bisedimet mes Uashingtonit dhe Phenjanit - për çarmatosjen e Gadishullit Korean - janë bllokuar prej kohës së bisedimeve të zhvilluara mes liderit verikorean, Kim Jong Un dhe ish-presidentit amerikan, Donald Trump më 2019.
Rezolutat e Këshillit të Sigurimit të Kombeve të Bashkuara ia ndalojnë Koresë së Veriut testimet e raketave balistike apo testime tjera bërthamore.
