Sot mbledhja e përbashkët e dy qeverive Kosovë-Shqipëri në Elbasan, firmosen 16 marrëveshje

Nga OraNews Përditësimi i fundit 26 Nëntor 2021, 07:44

Ditën e sotme, 26 nëntor  Shqipëria dhe Kosova do të firmosin edhe 16 marreveshje të tjera, prej të cilave kanë në fokus lëhtësimin e lëvizjes së qytetarëve. Pritet të lehtësohen procedurat për pajisjen me leje qëndrimi, njohjen e sigurimeve shoqërorëve si dhe njëhsimi i diplomave.

Pavarësisht pakënaqësive dhe kundërshtive mes tyre, Kryeministrat Edi Rama dhe Albin Kurti do të shtrëngojnë sërisht duart. Qeveria shqiptare dhe ajo kosovare do të mblidhen për herë të 7-të, dhe Elbasani do të jetë qyteti i cili do t’i mirëpresë dy kabinetet.

 

16 marrëveshje të reja do të nënshkruhen sot, nga të cilat 4 prej tyre do të dakordësohen ndërmjet institucioneve shtetërore.

Në 6 mbledhjet e para janë firmosur 86 marrëveshje mes dy qeverive, por në disa prej tyre kanë mbetur vetëm në statistikat e protokollit, pasi nuk janë realizuar.

Në orën 9:30 pritet mbërritja e delegacionit kosovar, ndërsa në 11:30 Edi Rama dhe Albin Kurti do të flasin para gazetarëve mbi marrëveshjet e firmosura, por nuk do të mbetet pas edhe nisma Open Ballkan, që pas takimit online me zyrtarin amerikan Gabriel Escobar,  është kushtëzuar edhe mbështeja e SHBA-së.

Kjo është mbledhja e 7 e përbashkët e dy qeverive, ndërsa mbledhja e parë u zhvillua më 11 janar të vitit 2014.

Marreveshjet qe do te firmosen 

Marrëveshja ndërmjet Qeverisë së Republikës së Kosovës dhe Këshillit të Ministrave të Republikës së Shqipërisë për heqjen e lejeqëndrimit të përkohshëm

Marrëveshja ndërmjet Qeverisë së Republikës së Kosovës dhe Këshillit të Ministrave të Republikës së Shqipërisë për rregullimin e regjimit të trafikut lokal të kufirit

Marrëveshja ndryshuese e Marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për hapjen e pikës së përbashkët të kalimit kufitar Shishtavec (Kukës) – Krushevë (Dragash)

Marrëveshje ndërmjet Këshillit të Ministrave të Republikës së Shqipërisë dhe Qeverise se Republikës së Kosovës “Për ndihmë të ndërsjelltë juridike në çështjet civile dhe tregtare”

Për miratim, në parim, të marrëveshjes, ndërmjet Republikes se Shqipërisë dhe Republikës së Kosovës, për sigurimet shoqërore

Marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për zbatimin e lehtësirave të ndërsjella në procedurat doganore dhe/ose të kontrollit të hyrje/daljes së mallrave
Kalendari i përbashkët Kulturor Vjetor Shqipëri-Kosovë, për vitin 2021-2022

Marrëveshje Bashkëpunimi: në fushën e Trashëgimisë Kulturore midis MKRS & MK.

Protokoll Bashkëpunimi Ndërmjet Këshillit të Ministrave të Republikës s Shqipërise dhe Qeverise së republikës se Kosovës për krijimin e Sekretariatit Koordinues Ndërqeveritar.

MoU për studimin e fizibilitetit për ndërtimin/rehabilitimin e segmentit hekurudhor Durrës-Prishtinë

Marrëveshje bashkëpunimi ndërmjet Ministrisë së Shëndetësisë dhe Mbrojtjes Sociale të Republikës së Shqipërisë dhe Institucionit kompetent të palës kosovare.

Marrëveshje dypalëshe për lehtësimin e procedurës së njohjes se diplomave nga IAL-te (te konfirmimit të të diplomuarve nga Qendrat Kombëtare respektive të Njohjes së Diplomave)

Manual i Përbashkët për procedurat standarde të operimit në Doganën e Durrësit.

Manuali Për procedurat standarde te operimit ne piken e përbashket te kalimit kufitar (PPKK) Morine-Vermice
Marrëveshje dypalëshe për qasje të ndërsjellë në modulet e riskut

Marrëveshje bashkëpunimi ndërmjet Drejtorisë së Përgjithshme të Arkivave të RSH dhe Agjencisë Shtetëror të Arkivave të Republikës së Kosovës