Lukashenko, kritika BE-së: Refuzon të diskutojë për fatin e 2 mijë emigrantëve
Nga Besmira Pelushaj Përditësimi i fundit 22 Nëntor 2021, 12:49
Udhëheqësi i Bjellorusisë, Alexander Lukashenko, kritikon Bashkimin Evropian se po refuzon të diskutojë për fatin e 2000 emigrantëve që kanë mbetur të bllokuar në kufi.
Perëndimi nga ana tjetër akuzon Bjellorusinë se ka sjellë emigrantë, kryesisht nga Lindja e Mesme, në zonat përgjatë kufijve me anëtarët e BE-së, Poloninë dhe Lituaninë, me premtime për një kalim të lehtë. Bjellorusia mohon pretendimin, në vend të kësaj kritikon BE-në për mos pranimin e emigrantëve.
"Unë jam duke pritur që BE të përgjigjet për çështjen e 2,000 refugjatëve," u tha Lukashenko zyrtarëve të hënën, duke shtuar se ai pret që Evropa t'i lejojë emigrantët të hyjnë.
"Merkel më premtoi se do ta shqyrtojnë këtë problem në nivelin e Bashkimit Evropian. Por ata nuk po e bëjnë këtë," tha ai, cituar nga agjencia shtetërore e lajmeve Belta.
Lukashenko tha se zyrtarët evropianë refuzuan çdo kontakt mbi këtë temë, pavarësisht thirrjeve nga ministri i jashtëm bjellorus.
"Ne duhet të kërkojmë që gjermanët t'i marrin ata," tha Lukashenko.
Në fillim të këtij muaji Bjellorusia spastroi një kamp të improvizuar kufitar, duke dërguar 2,000 emigrantë në një qendër logjistike aty pranë. Emigrantët, shumë prej të cilëve ikin nga lufta dhe varfëria, kanë shpenzuar mijëra për të fluturuar në Bjellorusi me viza turistike. Pasi në kufi, ata përballen me kushte të mjera, të ngrirjes.
