Ylli i muzikës vdes tragjikisht në moshën 26-vjeçare pas rrëzimit të avionit
Nga OraNews Përditësimi i fundit 6 Nëntor 2021, 09:15
Arilia Mendonca, 26 vjeç, një nga këngëtaret më të njohura të Brazilit dhe një fituese e' Grammy Latine', ka vdekur në një aksident ajror.
Zyra e shtypit e Mendonca-s konfirmoi vdekjen e saj në një deklaratë dhe tha se katër pasagjerë të tjerë në fluturim humbën jetën gjithashtu.
Policia civile e shtetit Minas Gerais konfirmoi gjithashtu vdekjen e Mendonca-s, pa dhënë detaje për shkakun e aksidentit, i cili ndodhi pak para mbërritjes.
Fotografitë dhe videot tregojnë avionin të rrëzuar nën një ujëvarë.
26-vjeçarja ishte e njohur për trajtimin e çështjeve feministe në këngët e saj, të tilla si denoncimi i burrave që kontrollojnë partnerët e tyre dhe thirrjet për fuqizimin e grave.
Të premten në mbrëmje, lajmi shkaktoi trishtim në mediet sociale në të gjithë Brazilin.
“Unë refuzoj të besoj, thjesht refuzoj”, tha ylli i futbollit brazilian Neymar , i cili është mik i Mendonca-s, nëpërmjet një postimi në Twitter.
Qeveria e Brazilit shprehu gjithashtu ngushëllimet e saj.
Mendonca ka lënë pas një djalë, i cili muajin e ardhshëm do të mbushë 2 vjeç.
