Të dënuarit me vdekje padisin qeverinë, ja për çfarë ankohen

Nga OraNews Përditësimi i fundit 5 Nëntor 2021, 15:09

Dy të dënuar me vdekje në Japoni kanë ngritur padi kundër  ekzekutimeve të të burgosurve në të njëjtën ditë.

Sipas tyre të burgosurit e dënuar me vdekje njoftohen vetëm disa orë përpara se të ekzekutohen.=Dënimi me vdekje kryhet me varje, shkruan BBC/

Avokati i tyre ka argumentuar se një njoftimi i tillë vetëm pak orë para vdekjes është  "jashtëzakonisht çnjerëzor".

Grupet e të Drejtave të Njeriut  e kanë kritikuar prej kohësh këtë praktikë, duke thënë se  ndikon në shëndetin mendor të të burgosurve.

“Të burgosurit e dënuar me vdekje jetojnë çdo mëngjes me frikë se ajo ditë do të jetë e fundit”, tha avokati i dy të dënuarve me vdekje Yutaka Ueda, sipas një raporti të Reuters.

Të burgosurit ngritën një padi në gjykatën e qarkut në qytetin e Osakës të enjten ( 4 nëntor). Ata kanë kërkuar  193,500 dollarë dëmshpërblim , sipas avokatit të tyre.

Më shumë se 100 persona janë të dënuar me vdekje në Japoni, por asnjë prej tyre nuk është ekzekutuar për gati dy vjet./Ora News/