Foto/ Ja si shkëlqyen yjet e Hollivudit në galanë e Muzeut të Filmit
Nga Besmira Pelushaj Përditësimi i fundit 27 Shtator 2021, 14:50
Nuk janë çmimet Oskar, por atmosfera është e njëjta. Me dhjetëra yje të kinematografisë botërore parakaluan në tapetin e kuq në festën e hapjes së Muzeut të Filmit, që organizohet çdo vit. Mes tyre spikatën aktorët Lady Gaga, Brad Pitt, Regina King, Kristen Stewart, Nicole Kidman, Cher, Queen Latifah, Angela Bassett, Kate Hudson, Spike Lee, Patty Jenkins, Tiffany Haddish dhe shumë të tjerë.
Mbrëmja arriti kulmin me shfaqjen e këngëtares Lady Gaga, e cila u shndërrua në një numër të pastër dhe plot të qeshura.
Mes këngëve spikati një interpretim Jazzy i "New York, New York" të cilin ajo ia kushtoi Lee - ju mund ta largoni vajzën nga NYC, por nuk mund ta hiqni NYC prej saj! Performanca solli një ovacion të vazhdueshëm nga publiku i mbushur me yje.
I projektuar nga arkitekti me famë botërore Renzo Piano, muzeu ndodhet në kampusin LACMA në Wilshire dhe hapet për publikun më 30 shtator.
Disa ditë para mbrëmjes gala,drejtori dhe presidenti i muzeut Bill Kramer tha se ishte shpresëdhënës që kompleksi do të bëhej "një pikë referimi e menjëhershme , një destinacion që duhet parë për banorët dhe vizitorët njësoj".
Muzeu ndodhet në një kampus prej 300,000 metra katrorë dhe përbëhet nga dy ndërtesa të lidhura me ura qelqi. Dy kinema janë vendosur brenda. Në ekran janë kujtime filmash, duke përfshirë një palë pantofla të kuqe nga “The Wizard of Oz”.
