Pamje shqetësuese, agjentët amerikanë fshikullojnë me kamxhik emigrantët në kufi me Meksikën

Nga OraNews Përditësimi i fundit 21 Shtator 2021, 13:44

Opinioni publik në SHBA por dhe vetë Shtëpia e Bardhë u tronditën pasi mediat publikuan imazhe të oficerëve të policisë kufitare mbi kalë duke përdorur kamxhikun kundër emigrantëve që kërkojnë azil në kufirin me Meksikën. 

Pranë Del Rio në Texas, një krizë e re humanitare ka shpërthyer me ardhjen e mbi 10 mijë njerëzve. 

"Është e  tmerrshme të shihet," tha zëdhënësi i Shtëpisë së Bardhë Jen Psaki.

"Unë kam parë disa nga imazhet, nuk mund të imagjinoj ndonjë kontekst që do ta bënte të përshtatshëm," tha Psaki. 

"Nuk mendoj se dikush që i ka parë ato imazhe mendon se është i pranueshëm ose i përshtatshëm," shtoi ai. 

Pamje shqetësuese, agjentët amerikanë fshikullojnë me

"Njerëzit, vazhdoi zëdhënësi i Shtëpisë së Bardhë, janë "kuptueshëm" të ofenduar nga mundësia e zbatimit të ligjit duke përdorur kamxhik ose objekte të ngjashme kundër emigrantëve, shumë prej tyre nga Haiti.

Një rast i turpshëm i të drejtave të njeriut për administratën Biden dhe për ministrin e saj Alejandro Mayorkas, kreu i parë i brendësisë hispanike të Shteteve të Bashkuara, gjithashtu bir i refugjatëve kubanë. 

Sa i përket vendimit të Presidentit Joe Biden për të riatdhesuar të gjithë emigrantët në kufi, Psaki tha "kjo nuk është koha për të ardhur".

Pamje shqetësuese, agjentët amerikanë fshikullojnë me

Pas polemikës, ndërhyri edhe Sekretari Amerikan i Shtetit, Antony Blinken . 

"Migrimi ilegal paraqet rreziqe serioze për emigrantët dhe familjet e tyre. Fola me kryeministrin e Haitit Ariel Henry për riatdhesimin e emigrantëve haitianë në kufi dhe vështirësitë e migrimit të parregullt," shkroi ai në Twitter.