Franca vaksinon mbi 50 milionë qytetarë
Nga OraNews Përditësimi i fundit 18 Shtator 2021, 07:22
Numri i qytetarëve të vaksinuar në Francë ka tejkaluar mbi 50 milionë, njoftoi presidenti i vendit, Emmanuel Macron.
Lajmi u bë i ditur përmes një video të shpërndarë nga presidenti në rrjetet sociale, duke shkruar se "vaksina shpëton jetë dhe virusi vret, është kaq e thjeshtë".
Qeveria e Macron fillimisht kishte shpallur fundin e gushtit si datën e synuar për 50 milionë.
Rreth 3,000 punonjës shëndetësorë në Francë u pezulluan nga puna, pasi nuk ishin të vaksinuar kundër koronavirusit.
Që nga fillimi i pandemisë, Franca ka konfirmuar mbi 113,000 viktima nga koronavirusi.
