Avioni me 14 pasagjerë në bord bën ulje emergjente, katër të vdekur

Nga OraNews Përditësimi i fundit 12 Shtator 2021, 22:43

Katër persona u vranë kur një aeroplan i vogël me 14 pasagjerë dhe dy anëtarë të ekuipazhit bëri një ulje emergjente në një pyll në  Siberinë juglindore , njoftoi Ministria e  Mbrojtjes Civile .

Avioni, i tipit L-410, ishte nisur nga  Irkutsk  dhe u rrëzua 4 kilometra nga destinacioni i tij, në fshati Kazatsinkoye.

Sipas informacioneve të para, kishte disa dëmtime mekanike që e detyruan ekuipazhin të tentonte uljen e detyruar.

Raportet e para thanë se  11 nga pasagjerët ishin bllokuar  në rrënojat, por ishin gjallë.

Ekipet e emergjencën ndodhen në vendin e ngjarjes dhe po punojnë për të nxjerrë personat e plagosur nga rrënojat.