Kina e gatshme të zhvillojë 'marrëdhënie miqësore' me talibanët e Afganistanit

Nga OraNews Përditësimi i fundit 16 Gusht 2021, 12:31

Kina  është e gatshme të thellojë marrëdhëniet "miqësore dhe bashkëpunuese" me Afganistanin, tha një zëdhënëse e qeverisë të hënën, pasi talibanët morën kontrollin e vendit.

Pekini është përpjekur të mbajë lidhje jo-zyrtare me talibanët gjatë tërheqjes së Shteteve të Bashkuara nga Afganistani, gjë që nxiti reagime të ashpra të ekstremistëve islamikë në të gjithë vendin, të cilët hyn në kryeqytetin, Kabul të dielën, 15 gusht, shkruan Ora News.

Kina ndan një kufi prej 76 kilometrash me Afganistanin.

Një delegacion i nivelit të lartë talibanë u takua me ministrin e jashtëm kinez Wang Yi në Tianjin muajin e kaluar, duke premtuar se Afganistani nuk do të përdoret si bazë për militantët, njofon Barron's News.

Në këmbim, Kina ofroi mbështetje ekonomike dhe investime për rindërtimin e Afganistanit.

Sot, autoritete kineze Kina  njoftuan se "mirëpresin" mundësinë për të thelluar lidhjet me Afganistanin, një vend që prej brezash është lakmuar për rëndësinë e tij gjeo-strategjike nga fuqitë e të mëdha.

"Talibanët kanë shprehur vazhdimisht shpresën e tyre për të zhvilluar marrëdhënie të mira me Kinën dhe se mezi presin pjesëmarrjen e Kinës në rindërtimin dhe zhvillimin e Afganistanit," u tha gazetarëve zëdhënësja e ministrisë së jashtme Hua Chunying.

"Ne e mirëpresim këtë. Kina respekton të drejtën e popullit afgan për të përcaktuar në mënyrë të pavarur fatin e tij dhe është e gatshme të vazhdojë të zhvillojë marrëdhënie miqësore dhe bashkëpunuese me Afganistanin."

Hua u bëri thirrje talibanëve të "sigurojnë një kalim të qetë" të pushtetit dhe të mbajnë premtimet e tyre për të negociuar krijimin e një "qeverie të hapur dhe gjithëpërfshirëse islamike" dhe të sigurojnë sigurinë e afganëve dhe qytetarëve të huaj.

Ambasada e Kinës në Kabul mbetet funksionale, tha Hua, megjithëse Pekini filloi evakuimin e qytetarëve kinezë nga vendi muaj më parë në mes të përkeqësimit të situatës së sigurisë.

Në një deklaratë të hënën, ambasada u tha qytetarëve kinezë që mbeten në Afganistan të "i kushtojnë vëmendje të madhe situatës së sigurisë" dhe të qëndrojnë brenda.

Presidenti amerikan Joe Biden premtoi tërheqje të plotë të trupave amerikane deri më 11 shtator, duke shënuar fundin e dy dekadave të luftës.

Por Uashingtoni mbeti i tronditur nga kolapsi i shpejtë i qeverisë afgane dhe përparimi gjithëpërfshirës i talibanëve.

Talibanët kanë kërkuar të sigurojnë bashkësinë ndërkombëtare dhe se afganët nuk duhet të kenë frikë prej tyre dhe se nuk do të marrin hak kundër atyre që  aleancën e SHBA-ve.

Shtetet e Bashkuara publikuan më herët një deklaratë me më shumë se 65 shtete duke u bërë thirrje talibanëve të lejojnë afganët të largohen nga vendi, duke paralajmëruar përgjegjësi për çdo abuzim.