Irma Libohova e revoltuar me kufizimet: Më kanë gjobitur, ora policore të nisë pas orës 2
Nga OraNews Përditësimi i fundit 19 Korrik 2021, 19:40
Këngëtarja e dashur për publikun shqiptar, Irma Libohova teksa flet për kufizimet e pandemisë, kërkon zgjatjen e orarit të lëvizjes dhe muzikës, duke thënë se në verë publiku ka nevojë për muzikë para orës 22:00.
Po ashtu këngëtarja pohon në "Ora Verore" se është gjobitur nga policia, pasi ka shkelur orarin policor.
Irma Libohova: Vera ime është plotë dhe do ishte shumë më bukur sikur të na e lëshonin orarin e kufizimeve, sepse e kemi shumë të limituar.Tani errësohet në orën 21:00, atëherë kur i bie të fillojë muzika? Është verë nuk është dimër, duhet të zgjatet orari pak më shumë. Nuk është çështje lekësh. Janë njerëzit që duan të këndojnë, të argëtohen. Do doja shumë të ishte më i gjatë orari. Të paktën orarin e kufizimit me makinat. Të na lejojnë deri në orën 01:00, 02:00 të mëngjesit. Duam të bredhim nga një vend në tjetrin dhe nuk kemi mundësi. Me të drejtë policia na ndalon e na vendos gjobë. Nëse unë e shkel rregullin, duhet të gjobitem e para.
