FOTO/ Drejtësia raporton në parlament, deputetët dalin të qeshur
Nga OraNews Përditësimi i fundit 14 Qershor 2021, 18:00
Pas seancës plenare deputetët e Kuvendit të Shqipërisë janë parë të qeshur.
Disa kanë respektuar masat anticovid, ndërsa disa janë parë duke dalë pa maska nga Kuvendi.
Krerët e institucioneve të drejtësisë të dala nga vettingu, paraqitën sot, 14 qershor në parlament raportin vjetor të 2020. Kreu i SPAK Arben Kraja u përball me kritikat e deputetit Myslim Murrizi për goditje selektive ndaj pronarëve të medies, ndërsa kërkoi sqarime për imunitetin ndaj “peshqve te mëdhenj.”
"SPAK nuk vuri pas hekurave te quajturit “peshq të mëdhenj”, ndërsa kërkoi sqarime për rastin e hetimit ndaj presidentit të “Yldon Media Group” Ylli Ndroqi," tha Murrizi.
Murrizi akuzoi Arben Krajën se po fsheh të kaluarën peng i së cilës është.
Prokurori i përgjithshëm Olsian Cela raportoi shifra rekord te procedimeve penale e rritje të krimit ne familje.
Tirana mban rekordin për numrin më të madh të procedimeve të regjistruara në Prokurorinë pranë Gjykatës së Shkallës së Parë me 31,74 % të numrit total të procedimeve të regjistruara në shkallë vendi.
Foto: LSA
