Rusia prodhon vaksinën e parë në botë anti-Covid për kafshët
Nga OraNews Përditësimi i fundit 31 Mars 2021, 10:53
Rusia njoftoi ditën e sotme se ka prodhuar vaksinën e parë në botë kundër koronavirusit për kafshët, duke e përshkruar hapin si të rëndësishëm për ndërprerjen e mutacioneve.
Ai tha se prodhimi masiv i vaksinës mund të fillojë në prill.
Agjencia e mbikëqyrjes së bujqësisë Rosselkhoznadzor tha në një deklaratë se vaksina e quajtur Carnivak-Cov ishte testuar në fillim të tetorit në qen, mace, dhelpra dhe kafshë të tjera dhe ishte provuar të ishte efektive.
"Të gjitha kafshët në provë që u vaksinuan zhvilluan antitrupa ndaj koronavirusit në 100 përqind të rasteve," tha Konstantin Savenkov, nënkryetari i Rosselkhoznadzor.
"Produkti është i pari dhe i vetmi në botë për parandalimin e Covid-19 tek kafshët," tha ai.
"Përdorimi i vaksinës, sipas shkencëtarëve rusë, mund të parandalojë zhvillimin e mutacioneve të virusit," tha deklarata.
Zyrtarët ushtarakë në qytetin rus të Saint Petersburg njoftuan më parë këtë javë se qentë e ushtrisë do t'i nënshtroheshin vaksinimit të detyrueshëm përpara se të vendoseshin në aeroporte dhe të merrnin pjesë në përkujtimet mbarëkombëtare të Luftës së Dytë Botërore në maj, sipas medieve të huaja.
