Pandemia nuk e "ngriu" buzëqeshjen, ja cili vend është renditur si më i lumturi në botë

Nga OraNews Përditësimi i fundit 19 Mars 2021, 10:11

Për të katërtin vit radhazi Finlanda është shpallur vendi më i lumtur në botë.

Megjithëse bota ndodhet në kthetrat e një pandemie, finalndezët janë më të lumturit sipas Raportit Botëror të Lumturisë të vitit 2021 të hartuar nga Kombet e Bashkuara.

Raporti synonte të eksploronte ndikimin e COVID-19-ës në mirëqenien psiko-sociale të njerëzve anekënd botës. Sipas gjetjeve, faktorët më të favorshëm për të mbajtur nivele të larta lumturie përballë pandemisë së koronavirusit ishin besimi i ndërsjellë tek njëri-tjetri dhe besimi tek qeveria.

"Çuditërisht nuk kishte rënie të mirëqenies psiko-sociale. Një shpjegim i mundshëm është se njerëzit e shohin COVID-19-ën si një kërcënim të zakonshëm nga jashtë, që i prek të gjithë dhe se kjo ka gjeneruar ndjenja të mëdha solidariteti dhe bashkëjetese, "tha John Helliwell, një nga hartuesit e raportit.

Raporti Botëror i Lumturisë, ka filluar që nga viti 2012 dhe llogaritet bazuar në të ardhurat për frymë, niveli i mbështetjes sociale, jetëgjatësia, respektimi i lirive civile, siguria në punë, niveli i korrupsionit, si dhe rezultatet e sondazheve të opinionit publik .

1. Finland

2. Iceland

3. Denmark

4. Switzerland

5. Netherlands

6. Sweden

7. Germany

8. Norway

9. New Zealand

10. Austria

11. Israel

12. Australia