Zbulohet hamami antik i shekullit të 12 brenda një lokali
Nga OraNews Përditësimi i fundit 25 Shkurt 2021, 13:50
Një hamam ose banjë antike që besohet se daton në Shekullin e 12-të është zbuluar nga disa punëtorë ndërtimi teksa ishin duke rinovuar një bar në Sevilje.
Hamami është në gjendje të ruajtur mirë dhe ishte një zbulim plotësisht i papritur brenda Barit “Giralda” në qendër të qytetit.
Arkeologu Alvaro Jimenez shpjegoi se struktura është e veçantë.
Një dritë në formë ylli u shfaq menjëherë pasi punëtorët filluan të goditnin muret e ndërtesës.
Ata më pas zbuluan gati 90 drita qielli në çatinë e lokalit të stilit maure.
Vepra të bukura islamike u gjetën në muret e dhomës.
Mendohet se arkitekti i hershëm ti Shekullit 20, Vicente Traver kishte vendosur të fshihte dhomën gjatë instalimit të dy kateve shtesë.
Lokali e ka marrë emrin nga minarja e Xhamisë së Madhe që tani shërben si kulla e kambanës së Katedrales së Seviljes.
Sevilja u pushtua nga Moors në Shekullin 8, duke u bërë më vonë një nga dy kryeqytetet e Kalifatit Almohad. Qyteti u mor nga mbreti i krishterë Ferdinand III i Castille në shekullin e 13-të.
