Zbulohen 7 variante të reja të virusit në SHBA, ende në pritje për t'u miratuar nga shkencëtarët
Nga OraNews Përditësimi i fundit 17 Shkurt 2021, 09:34
Studiuesit kanë zbuluar shtatë variante të reja të koronavirusit, sipas një studimi të postuar të dielën , raporton The New York Times.
Të shtatë variantet përmbajnë një mutacion të ngjashëm dhe kanë qenë shfaqur që në korrik të vitit 2020.
Shkencëtarët thonë se nuk është për t’u habitur që ata po identifikojnë me kaq vonesë variantet e reja në SHBA, por shtojnë se është shumë herët për të ditur se çfarë efekti të ndryshëm do të kenë ato tek amerikanët.
"Është e qartë se diçka po ndodh me këtë mutacion," tha Jeremy Kamil, virolog në Qendrën e shkencave të Shëndetit.
"Është e paqartë nëse këto variante janë më ngjitëse."
"Unë mendoj se ka një nënshkrim të qartë të një përfitimi evolucionar," tha Dr Kamil.
Variantet e reja të virusit i shtohen një liste në rritje variantesh që gjenden tashmë në Shtetet e Bashkuara, duke përfshirë ato të zbuluara së pari në Mbretërinë e Bashkuar, Brazil dhe Afrikën e Jugut.
Shkencëtarët gjithashtu kanë identifikuar variante që janë shfaqur për herë të parë në territorin amerikan, siç janë ato me origjinë në Zonën e Gjirit të San Franciskos, Kaliforninë Jugore dhe shtete qendrore.
