Shembet një pjesë e bregut të njohur të Amalfit

Nga OraNews Përditësimi i fundit 2 Shkurt 2021, 18:09

Një masiv i madh shkëmbor është shkëputur në bregun e njohur italian Amalfi.

Ngjarja është regjistruar rreth orës 09:36 të mëngjesit, kur zhurma tronditi të gjithë qytetin.

 Gjithçka u filmua nga banorët, kur një masiv me gurë të mëdhenj dhe u shkëput nga maja e Vagliendolas në një lartësi prej 12 metrash.
Dëmet materiale janë shumë të mëdha, ndërkohë që arteria kryesore lidhëse e bregut të Amalfit është ndarë më dysh duke mbyllur qarkullimin e mjeteve.

Nuk dihet ende nëse ka viktima apo njerëz të bllokuar nën masivin e shembur.

Muri i vjetër mbajtës i rrugës ka pësuar dëme të konsiderueshme, duke rrezikuar seriozisht edhe shtëpitë e lashta pranë humnerës.