Përmbyset autobuzi, humbin jetën 14 pasagjerë
Nga OraNews Përditësimi i fundit 2 Shkurt 2021, 16:53
Të paktën 14 pasagjerë e kanë humbur jetën, ndërsa 11 të tjerë mbetën të plagosur kur një autobus u përmbys në një autostradë në jug të Pakistanit.
Në mesin e viktimave dhe të lënduarve ka fëmijë dhe gra. Aksidenti ndodhi në qytetin Uthal në provincën Sindh.
Mësohet se shoferi ka humbur kontrollin e mjetit për shkak të shpejtësisë.
Autobusi, i cili udhëtonte nga provinca Baluchistan drejt qytetit Karaçit është dëmtuar rëndë ndërsa të lënduarit janë transferuar në spitalin më të afërt.
Aksidentet e trafikut me epilog fatal ndodhin në Pakistan për shkak të infrastrukturës së keqe rrugore si dhe për shkak të mosrespektimit të rregullave të komunikacionit.
