Pista e skijimit tërheq turistë në Dardhë
Nga OraNews Përditësimi i fundit 24 Janar 2021, 11:11
Edhe pse mbrëmjen e së shtunës, rruga për në fshatin e Dardhës u bllokua, të dielën lëvizja e turistëve ka vijuar normalisht për shoferët që janë pajisur me goma dimërore e zinxhirë.
Dëbora që ka mbuluar çdo cep, të ofron pamje mahnitëse.
Prania e qindra turistëve, kryesisht nga Shqipëria, tregon se pandemia ka ndikuar pak në këtë sektor të turizmit, dhe këtë e dëshmojnë edhe bizneset vendase.
Të apasionuarit pas skive, thonë që Dardha të ofron pikërisht atë që ata e kërkojnë.
Ata që kanë shkuar për herë të parë, shprehen të mahnitur nga bukuritë që të ofron fshati.
Reshjet e dëborës së Dardhë kanë nisur mbrëmjen e së shtunës, dhe kanë vijuar përgjatë gjithë ditës së dielë.
