Vaksinohet komediani i njohur, ndan me ndjekësit një lajm të mirë e një lajm të keq
Nga OraNews Përditësimi i fundit 19 Janar 2021, 10:19
Aktori dhe komediani, Steve Martin ka ndarë eksperiencën e tij me vaksinën kundër Covid-19 nëpërmjet disa postimeve të vazhdueshme në ‘Twitter’.
Ai ka treguar se gjendja e tij shëndetësore është e mirë dhe nuk ka ndjerë asnjë shqetësim deri në këto momente.
“Kam një lajm të mirë dhe një të keq. Sapo u vaksionova, ndërsa lajmi i keq është fakti që e bëra se jam 75 vjeç”- shkruan ai me shaka.
Martin nuk lë pa falenderuar shkencën dhe ushtrinë që ishte në gadishmëri dhe mbikqyrte çdo gjë gjatë procesit.
Ky reagim i Steve vjen pas zhrmës që ka pushtuar botën për sigurinë që sjell vaksina dhe pas raportimeve se ka pasur efekte anësore tek të vaksinuarit në disa shtete.
