Mjekja e shqetësuar: Mushkëritë e personave me Covid shumë herë më të dëmtuara se të duhanpirësve
Nga OraNews Përditësimi i fundit 15 Janar 2021, 16:49
Organi që preket nga Covid dhe le pasojë të rënda është mushkëria. Që prej fillimit të pandemisë mjekja Brittany Bankehead-Kendall ka trajtuar me mijëra pacientë të infektuar me Covid.
Ajo thotë se mushkëritë e duhanpirësve janë të dëmtuara, por të pacientëve që kanë kaluar koronavirusin janë “thuajse të bardha”, gjë që tregon se ka mungesë të kalimit të ajrit në organe.
“Unë nuk e di kush ka nevojë ta dëgjojë këtë, por mushkëritë pas Covid-19 duken shumë herë më keq se mushkëritë e duhanpirësit më të ‘tmerrshëm’ që kemi parë ndonjëherë. Ato bllokohen dhe më pas mpiksen, më pas shkaktohet vështirësi në frymëmarrje.”- ka shkruar ajo në një postim në Twitter.
Gjithashtu në një intervistë për CBS-DFË ajo ka thënë se shumë ekspertë kujdesen për nivelin e vdekshmërisë dhe jo për efektet e rënda që lë Covid më pas te pacientët që e kanë kaluar.
“Të gjithë janë aq shumë të shqetësuar për nivelin e vdekshmërisë së koronavirusit dhe kjo është e tmerrshme. Për të gjithë personat që kanë mbijetuar, ky mbetet një problem.”- tha ajo.
