Po punonte mbi vaksinën anti-Covid, bie nga kati i 14 shkencëtari rus
Nga OraNews Përditësimi i fundit 21 Dhjetor 2020, 12:44
Një shkencëtar i lartë rus, i cili po punonte me Universitetin e Edinburgut për një vaksinë anti Covid-19 është gjetur i vdekur në rrethana të dyshimta në Shën Petersburg.
Biologu Alexander Kagansky, 45 vjeç, i njohur për punën e tij në luftën kundër kancerit, u raportua se kishte rënë nga kati i 14 i një ndërtese, i veshur vetëm me të brendshme.
Sipas Moskovsky Komsomolets, viktima gjithashtu kishte një plagë me thikë në trupin e tij, raporton Ora News.
Lajmi vjen ndërsa shtatë pacientë rusë me koronavirus u vetëhodhën nga dritaret e spitalit në fillim të këtij viti.
Komiteti Rus i Hetimeve ka hapur një hetim për vrasje dhe një 45 vjeçar është ndaluar tashmë nga policia./
Dr Kagansky - një profesor asistent në Vladivostok - kishte punuar në Edinburg për 13 vjet deri në 2017.
Ai ishte kohët e fundit Drejtor i Qendrës për Mjekësi Gjenomike dhe Rigjeneruese në Universitetin Federal Lindor të Rusisë në Vladivostok, ku vazhdoi bashkëpunimin kërkimor me universitetin Skocez.
/a.r,OraNews
