Transportonin marijuanë, arrestohen dy shqiptarë në Greqi
Nga OraNews Përditësimi i fundit 18 Dhjetor 2020, 09:05
Një 30 vjeçar shqiptar u arrestua të enjten pasdite, pas një operacioni të madh dy ditor policor.
Sipas informacioneve, shqiptari 30 vjeçar është konstatuar se në kryqëzimin e Kallpaqit po udhëtonte me një motor pa targa.
Mësohet se ai nuk i është bindur sinjalit për të ndaluar të efektivëve, ndërkohë që këta të fundit janë vënë në ndjekje të tij. Operacioni i ndjekjes ka zgjatur përreth 30 minuta.
Ndalimi është bërë në momentin që 30 vjeçari janë aksidentuar. Në zonën e Profiti Ilias Metsovou, motori që po ngiste është përmbysur, ndërkohë që trafikanti e braktisi atë dhe u largua në këmbë.
Gjatë një kontrolli të hollësishëm, një çantë u gjet e fshehur nga autori 30-vjeçar në një zonë të pyllëzuar në zonën e Anilio Metsovo, e cila përmbante 6 pako me marijuanë, me peshë totale 6 kg dhe 300 gram. Pasditen e djeshme, policia e lokalizoi dhe e arrestoi ate në një zonë të pyllëzuar në Botonosi.
Hetimi i policisë zbuloi se 30-vjeçari e kishte marrë çantën me drogë pranë kufirit greko-shqiptar nga bashkëpunëtorët e tij, të cilët janw larguar me një makinë.
Në një operacion paralel policor në Selanik, ata arrestuan një 28-vjeçar shqiptar si bashkëpunëtor dhe konfiskuan makinën e përdorur për të transportuar drogën. Pas kontrollit në shtëpinë e tij u gjet dhe konfiskua një pistoletë TOKAREV dhe një shumë parash prej 1,250 euro.
I arrestuari, kundër të cilit është ngritur një çështje për veprat e herëpashershme të importit, transportit, posedimit dhe trafikimit të drogës, armëmbajtje pa leje, mosbindje dhe ngasje e rrezikshme, do të dërgohet në Prokurorin Publik të Janinës.
