Detaje të reja nga vrasja e vëllezërve Olldashi, janë qëlluar me armë në kokë dhe në gjoks
Nga OraNews Përditësimi i fundit 11 Dhjetor 2020, 09:12
Detaje të reja nga ngjarja ku mbetën të vrarë dy vëllezërit Olldashi.
Burime për Ora News bëjnë me dije se në vendin e ngjarjes janë gjetur gëzhoja, ndërsa viktimat janë qëlluar me armë në kokë dhe në gjoks.
Dyshimet janë që ata janë ekzekutuar pikërisht në vendin ku edhe u gjetën për shkak edhe të terrenit, mes të arrave dhe larg banesave.
Sipas informacioneve deri më tani, Andrea Olldashi, 33 vjeç, ka qënë me precedentë penalë pasi ka qenë edhe i dënuar për vjedhje ku në 2018 ka dalë nga burgu, ndërsa i vëllai Martin Olldashi nuk ka precedentë.
Lidhur me ngjarjen krahas policisë së Korçës dhe komisariatit të Maliqit dhe Pogradecit, po hetohet edhe nga Krimet e Rënda të Tiranës.
Kqyrja e kufomave në morg po bëhet nga ekspertë të ardhur nga Tirana.
Dy vëllezërit nga Pogradeci u gjetën të pajetën mesditën e djeshme në fshatin Zvirinë.
Lexo edhe:
Pogradec: Vriten dy vëllezërit, trupat e pajetë ishin hedhur në kanalin afër kishës
