"Jam krenar" Biden u beson komunikimin me mediat grave
Nga OraNews Përditësimi i fundit 30 Nëntor 2020, 08:39
Presidenti i zgjedhur amerikan Joe Biden ka emëruar një ekip shtypi për të gjitha gratë, në atë që zyra e tij pretendon se është e para në historinë e vendit.
Ky ekip do të drejtohet nga Kate Bedingfield, ish-zëvendëse drejtore e komunikimit të fushatës për Z. Biden.
Ndërsa, Jen Psaki, e cila gjatë qëverisjes së Obamës ishtë drejtoresha e komunikimit të Shtëpisë së Bardhë, do të jetë sekretare e shtypit.
Z. Biden ka premtuar të ndërtojë një administratë të larmishme që pasqyron vendin.
"Unë jam krenar të shpall sot ekipin e parë të komunikimit të Shtëpisë së Bardhë të përbërë tërësisht nga gra. Këto komunikuese të kualifikuara, me përvojë sjellin perspektiva të ndryshme në punën e tyre dhe një angazhim të përbashkët për ndërtimin e këtij vendi më mirë." - tha Biden gjatë deklaratës të bërë.
Dy ndihmëset kryesore të shtypit për Zëvendës-Presidenten e zgjedhur Kamala Harris do të jenë Symone Sanders dhe Ashley Etienne.
Pas fitores së tij në zgjedhje, Z. Biden ka zbuluar zgjedhjet e tij të para për pozitat e larta të kabinetit.
Javën e kaluar, ai tha se zgjedhja e tij është "një ekip që pasqyron faktin se Amerika është kthyer". Ai shtoi se ekipi i tij do ta mbante vendin "të sigurt" teksa udhëhiqte botën.
