Presidentja Vjosa Osmani infektohet nga koronavirusi: Do vazhdoj punën nga shtëpia
Nga OraNews Përditësimi i fundit 17 Nëntor 2020, 15:26
Presidentja në detyrë e Kosovës, Vjosa Osmani, është infektuar nga koronavirusi. Lajmin e ka bërë me dije vetë ajo në një postim në facebook.
Osmani: Të nderuar qytetarë!Pasi disa të afërm me të cilët kisha kontakt rezultuan pozitivë në testin për Covid-19, u testova në IKSHKP dhe pak më parë u njoftova se edhe unë kam rezultuar pozitiv.
Ajo shton se në dy javët e ardhshme do të punojë nga shtëpia, duke u kujdesur që secili dokument a vendim që kërkon shqyrtim e vendimmarrje dhe që lidhet me përgjegjësitë e mia në të dy funksionet shtetërore që i ushtroj, të trajtohet në kohë.
Osmani: Po ashtu, një numër takimesh do t’i vazhdoj nëpërmjet platformave elektronike. Përkundër kujdesit maksimal, po shihet që këto ditë virusi është kudo, më i përhapur se kurrë më parë, njëjtë i rrezikshëm si çdoherë. Prandaj, uroj që ta tejkalojmë këtë sfidë bashkërisht, duke mos e injoruar rrezikun nga virusi dhe kujdesin që duhet treguar. Mirëmbetshi e shëndet të gjithëve!
