Covid-19, Johnson merr vendimin për futbollin në Britani
Nga OraNews Përditësimi i fundit 22 Shtator 2020, 22:53
Kryeministri i Britanisë së Madhe Boris Xhonson, pezulloi rikthimin e tifozëve në stadiume dhe impiantet sportive.
Për shkak të përkeqësimit të pandemisë së koronavirusit në shtetin britanik, kreu i qeverië mori një sërë masash për shmangien e përhapjes së COVID-19.
Teksa qeveria britanike kishte planifikuar rikthimin e pjesshëm të tifozëve në stadiume prej 1 tetorit, Xhonson vendosi të ndryshonte qëndrim duke lënë në fuqi vendimin e zhvillimit të ndeshjeve pa spektatorë.
Në Britaninë e Madhe janë infektuar mbi 403 mijë persona, ndërsa kanë humbur jetën mbi 41 mijë.
