Banorët e Vorës kundër rezultatit të zgjedhjeve: Kërkojmë votën reale
Nga OraNews Përditësimi i fundit 23 Qershor 2015, 19:44
Simpatizantë të LSI-së në Vorë kanë dalë në protestë për të kundërshtuar rezultatin pasi sipas tyre nuk është real.Protestuesit deklarojnë se janë mbi 600 vota të cilat janë hedhur nga qytetarë që nuk janë banorë të Vorës dhe për këtë fakt kanë kërkuar ripërsëritje të zgjedhjeve, nga të cilat Fiqiri Ismail i koalicionit të djathtë fitoi me 7985 vota kundrejt rivalit të ASHE Luan Sallaku i cili mori 7746 vota.Protestës së banorëve i janë bashkuar edhe përfaqësues të LSI të cilët i kanë bërë thirrje KQZ të mos njohë rezultatin në Vorë ndërsa kanë kërkuar nga prokuroria që të hetojë ata 600 personat fiktivë të cilët kanë vituar duke mos qënë banorë të Vorës.Ndërkohë nga selia e LSI në një deklaratë për mediat doli sekretari i përgjithshëm i kësaj Force Luan Rama, i cili mbështeti protestën e banorëve të Vorës dhe kërkesën e tyre për hetim nga ana e prokurorisë.Banorët theksuan se protesta do të vijojë edhe në ditët në vijim në orën 19 në qëndër të Vorës.[caption id="attachment_537143" align="alignnone" width="640"]
Ne foto: Protesta e banoreve ne Vore[/caption]
