DEJA VU/ “Drithërima” në Budapest, penalltitë vendosin PSG-në në krye të Evropës
Nga OraNews Përditësimi i fundit 30 Maj 2026, 21:07
Paris Saint-Germain është fitues i UEFA Champions League për sezonin 2025/2026, pasi triumfoi ndaj Arsenal vetëm pas goditjeve të penalltive, në një finale dramatike të zhvilluar në “Puskás Aréna” të Budapestit.
Londinezët kaluan të parët në avantazh që në minutën e 5-të, kur Kai Havertz finalizoi me saktësi një aksion të shpejtë dhe mposhti portierin Safonov, duke i dhënë Arsenalit epërsinë në pjesën e parë.
Në minutën e 16-të, PSG kërkoi penallti për një prekje të dyshuar të topit me dorë nga Bukayo Saka brenda zonës, por arbitri lejoi vijimin e lojës.
Reagimi i kampionëve në fuqi erdhi në pjesën e dytë. Në minutën e 62-të, një ndërhyrje e Mosquera ndaj Khvicha Kvaratskhelia solli penallti për francezët, e konfirmuar edhe nga VAR. Nga pika e bardhë, Ousmane Dembélé nuk gaboi, duke rikthyer baraspeshën.
PSG iu afrua golit të fitores në minutën e 77-të, por goditja e Kvaratskhelia u ndal nga shtylla, ndërsa Arsenal kërkoi një tjetër penallti në shtesë pas kontaktit mes Nuno Mendes dhe Noni Madueke, pretendim që nuk u pranua.
Pas 120 minutash lojë, rezultati mbeti 1-1 dhe fituesi u përcaktua nga penalltitë, aty ku PSG u tregua më i saktë, duke mbrojtur trofeun dhe shkruar një tjetër kapitull historik në Champions League
DETAJET E NDESHJES
Të dy trajnerët, si Luis Enrique ashtu edhe Arteta, kanë publikuar formacionet zyrtare për sfidën që vendos kampionin e Europës. Skuadra franceze synon të mbrojë titullin europian, ndërsa anglezët kërkojnë trofeun e parë në historinë e klubit në Champions League.
PSG : Safonov; Hakimi, Pacho, Marquinhos, Mendes; Joao Neves, Vitinha, Fabian Ruiz; Doue, Dembele, Kvaratskhelia.
Arsenal : Raya; Mosquera, Saliba, Gabriel, Hincapie; Rice, Lewis-Skelly, Ødegaard; Saka, Havertz, Trossard.
Minutë pas minute:
120- Ndeshja shkon me penallti.
106- Ndërhyn mirë Raya, shpëton skuadrën.
100- Hakimi nga larg, nuk ka saktësinë e duhur. Shkon jashtë!
96- Shkon në shtesë takimi.
90- Barcola humbet rast ideal.
64- Gool PSG me penallti. Dembele e ekzekuton më së miri.
61- PSG fiton penallti pas kontaktit Mosquera-Kvara.
54- Faull për PSG! Godet Hakimi, pret pa probleme Raya.
47- I verdhë për Mosquera, shkak vonesat e lojës.
37- Kundërsulm francez, Dembele gjuan por topi bllokohet.
34- Ekipi i Enrique hidhet në sulm, e ka të vështirë të depërtojë! Mbetet rezultati i njëjtë. Ndërkaq, Mendes shkakton faull ndaj Sakas.
25- Arsenal i rrezikshëm ne një top nga krahët të Saka, largon mbrojtja.
16- PSG pretendon për një prekje me dorë në zonë, nuk mendon kështu arbitri, i cili vijon lojën.
6- Gool. Ekipi i Artetas shënon me Havertz, i cili nuk fal me të majtën brenda zonës.
