Festa e Balonave, rituali i dashur nga të vegjlit, në një foto 40-vjeçare
Nga OraNews Përditësimi i fundit 10 Maj 2026, 11:51
Nga arkivi i ATSH-se sjellim në vëmendje një foto të realizuar 40 vjet më parë, nga fotografi i ATSH, Lulëzim Lika.
Fotoja mban diçituren “Festa e balonave” dhe është realizuar në 10 maj te vitit 1986. Ajo tregon nje grup fëmijësh në natyrë, që mbajnë në duar balona.
Festa e Balonave vazhdon të mbetet një nga ritualet më simbolike dhe emocionuese që bashkon komunitete të tëra, edhe në vende të tjera të botes. Një pjesë vendesh e festojnë në pranverë, ndërsa të tjera në vjeshte. Kjo festë sjell atmosferë festive, ndan mesazhe si dhe rikthen edhe të rriturit tek fëmijëria e dikurshme.
Balonat që ngrihen drejt qiellit nuk përfaqësojnë vetëm argëtim, por edhe shpresë, liri dhe dëshira për një fillim të ri. Në vende të ndryshme, lëshimi i balonave është kthyer në një ritual simbolik, ku njerëzit shkruajnë urime, mesazhe apo kujtime, përpara se t’i lënë ato të fluturojnë.
Atmosfera që krijohet gjatë këtij organizimi është e veçantë. Familje, me njerëz të të gjitha moshave mblidhen së bashku në sheshe apo lëndina për të ndjekur spektaklin shumëngjyrësh që mbush qiellin.
