Sulm ajror amerikan në Paqësor/ Goditet anija e dyshuar për dr*gë, dy të viktima dhe një i mbijetuar

Nga OraNews Përditësimi i fundit 9 Maj 2026, 08:23

Një sulm ajror i Shteteve të Bashkuara në Paqësorin lindor ka shkaktuar të paktën dy viktima, pasi ushtria amerikane goditi një anije që dyshohej se ishte e përfshirë në trafik droge.

Sipas Komandës Ushtarake Amerikane për Amerikën Latine dhe Karaibet (SOUTHCOM), anija po lëvizte në zona të njohura për trafikun e narkotikëve dhe ishte nën vëzhgim për përfshirje të mundshme në kontrabandë.

Pas sulmit, u publikua edhe një video e shkurtër ku shihet momenti i goditjes dhe shkatërrimit të mjetit lundrues.

Në operacion humbën jetën dy persona, ndërsa një tjetër u raportua se ka mbijetuar fillimisht. Roja Bregdetare amerikane është njoftuar për të kryer kërkime në zonë.

Ky është një nga operacionet e shumta të zhvilluara nga SHBA në kuadër të fushatës kundër trafikut të drogës në Paqësorin lindor dhe Karaibe, e cila sipas të dhënave zyrtare ka sjellë dhjetëra viktima gjatë muajve të fundit.