Siguria e fëmijëve në makinë/ 3 gjëra që prindërit nuk duhet t’i bëjnë kur përdorin ndenjësen
Nga OraNews Përditësimi i fundit 6 Maj 2026, 20:35
Të udhëtosh me një fëmijë në makinë kërkon kujdes të veçantë dhe respektim të disa rregullave bazë.
Nuk mjafton vetëm vendosja e rripit të sigurimit, pasi ka edhe detaje të tjera që ndikojnë drejtpërdrejt në sigurinë e tij.
Një nga gabimet më të zakonshme është mbajtja e fëmijës në krah gjatë udhëtimit. Fëmija duhet të qëndrojë gjithmonë i vendosur në ndenjësen e posaçme dhe i lidhur siç duhet.
Kjo është mënyra më e sigurt për ta mbrojtur në çdo situatë.
Po ashtu, duhet shmangur vendosja e objekteve në pjesën e pasme të makinës.
Edhe sendet e lehta mund të bëhen të rrezikshme në rast frenimi apo përplasjeje, pasi mund të lëvizin dhe të godasin fëmijën.
Një tjetër detaj i rëndësishëm lidhet me veshjen.
Fëmija nuk duhet të jetë i veshur trashë kur lidhet në ndenjëse, pasi kjo mund të ndikojë në sigurinë e rripit. Në vend të kësaj, mund të përdoret një batanije e lehtë për ta mbajtur ngrohtë.
Respektimi i këtyre rregullave të thjeshta ndihmon që udhëtimi me fëmijën të jetë më i sigurt dhe pa rreziqe të panevojshme.
