Skandal elektoral? Opozita në Hungari nën akuza për blerje votash me para dhe favore
Nga OraNews Përditësimi i fundit 12 Prill 2026, 17:20
Një organizatë e quajtur Qendra “Demokracia”, e afërt me partinë në pushtet në Hungari, ka ngritur akuza ndaj opozitës për blerje votash gjatë procesit zgjedhor.
Sipas saj, ekziston një material audio që pretendohet se tregon përfshirjen e personave të lidhur me partinë opozitare Tisza në organizimin e blerjes së votave në disa zona të vendit.
Organizata thotë se ka marrë edhe denoncime nga qytetarë, ku përmenden raste të ofrimit të parave në këmbim të votës, si dhe transport i organizuar i votuesve drejt qendrave të votimit.
Në një rast tjetër, flitet edhe për shpërndarje ushqimesh me qëllim ndikimin e votës.
Deri tani, këto pretendime nuk janë konfirmuar në mënyrë të pavarur nga mediat vendase, ndërsa situata mbetet nën vëmendje gjatë vijimit të procesit zgjedhor.
