19-vjeçari shqiptar kapet me k*kainë në Itali/ Dr*ga u gjet e fshehur brenda në...
Nga OraNews Përditësimi i fundit 12 Prill 2026, 15:19
Një 19-vjeçar shqiptar është arrestuar nga karabinierët në Torvaianica të Italisë, pasi u kap me një sasi kokaine të ndarë në doza, gati për shitje.
I riu u ndalua gjatë një kontrolli rutinë, pasi lëvizjet e tij me makinë u dukën të dyshimta.
Gjatë kontrollit të automjetit, efektivët zbuluan rreth 90 doza kokaine të fshehura në një ndarje poshtë shpejtësimatësit.
Në makinën e tij u gjetën edhe 130 euro cash, që dyshohet se vijnë nga shitja e drogës.
Sipas autoriteteve, mënyra si ishte fshehur droga tregon se nuk bëhet fjalë për një rast të rastësishëm.
Dyshohet se i riu mund të jetë pjesë e një aktiviteti më të gjerë të shpërndarjes së kokainës në zonën bregdetare të Lacios.
Pas arrestimit, 19-vjeçari është vendosur në arrest shtëpiak dhe pritet të përballet me gjykim të përshpejtuar. Hetimet vazhdojnë për të zbuluar nëse pas këtij rasti fshihet një rrjet më i organizuar.
