Hakerët e lidhur me Iranin pretendojnë se kanë hakuar emailet e drejtorit të FBI-së
Nga OraNews Përditësimi i fundit 27 Mars 2026, 16:10
Një grup hakerësh që dyshohet se ka lidhje me Iranin ka deklaruar se ka siguruar akses në email-et personale të drejtorit të FBI, Kash Patel, duke publikuar foto dhe materiale që pretendohet se përfshijnë edhe CV-në e tij.
Në faqen e tij, grupi Handala Hack Team shkroi se Patel do ta gjejë tani emrin e tij në listën e viktimave që janë hakuar me sukses.
Agjencia e lajmeve Reuters nuk ka mundur të verifikojë menjëherë vërtetësinë e email-eve të publikuara. Megjithatë, një pjesë e materialit të shqyrtuar duket se përfshin një kombinim të korrespondencës personale dhe profesionale, që daton nga viti 2010 deri në vitin 2019.
Një zyrtar i Departamentit të Drejtësisë i konfirmoi Reuters se një ndërhyrje në email-in e Patel ka ndodhur realisht, por pa dhënë detaje të mëtejshme mbi përmasat apo rrethanat e sulmit. Por, FBI nuk ka reaguar menjëherë për këtë çështje, ndërsa as grupi i hakerëve nuk iu përgjigj kërkesave për sqarime.
