Thomas Strakosha, portieri që po shkëlqen në Greqi mund të bëhet “Superman” në Poloni
Nga OraNews Përditësimi i fundit 24 Mars 2026, 18:28
Në prag të përballjes vendimtare ndaj Polonisë në “play-off”, një nga pikat më të forta të Shqipëria mbetet pa diskutim portieri Thomas Strakosha.
Gardiani kuqezi po zhvillon një sezon të jashtëzakonshëm me AEK Athinës, duke u shndërruar në një nga protagonistët absolutë të skuadrës.
Statistikat flasin qartë: 21 ndeshje pa pësuar gol në 40 paraqitje dhe vetëm 30 gola të pësuar në total në të gjitha kompeticionet, një bilanc që konfirmon nivelin e tij të lartë dhe stabilitetin mes shtyllave.
Siguria, reflekset e Strakoshës kanë qenë vendimtare për sukseset e AEK-ut këtë sezon, ndërsa paraqitjet e tij kanë rikthyer besimin se Shqipëria ka një portier të klasit të lartë në një duel kaq të rëndësishëm.
Në një ndeshje ku çdo detaj mund të bëjë diferencën, prania e Strakoshës në portë përbën një garanci më shumë për kuqezinjtë.
Përballë një kundërshtari të fortë si Polonia, eksperienca dhe forma e tij mund të rezultojnë çelësi për të mbajtur të paprekur portën dhe për t’i dhënë Shqipërisë një shans real për kualifikim.
Muri i vërtet për momentin në ekipin kuqezi mban emrin: Thomas Strakosha.
