Protesta e djeshme, zemërim jo vetëm ndaj qeverisë, por edhe ndaj “vjedhjeve” të Erion Veliaj

Nga OraNews Përditësimi i fundit 23 Mars 2026, 15:34

Në protestën kombëtare të opozitës, më 22 mars, protestuesit hodhën lëndë piroteknike drejt disa institucioneve në qendër të kryeqytetit, e mes tyre edhe drejt Bashkisë së Tiranës.

E parë në një këndvështrim më të gjerë, nuk bëhet fjalë vetëm për një akt rastësor si vijim i shprehjes së pakënaqësisë, por edhe si një shenjë zemërimi e drejtpërdrejtë ndaj kryebashkiakut të arrestuar të Tiranës, Erion Veliaj.

Kjo lëvizje e protestuesve në drejtim të bashkisë lidhet me figurën e Veliajt dhe me perceptimin e publikut se ai ka keqpërdorur pushtetin për interesa personale dhe politike.

Protesta e djeshme, zemërim jo vetëm ndaj qeverisë, por edhe ndaj

Bashkia e Tiranës nuk është thjesht një godinë institucioni, por përfaqëson edhe ambientet ku Veliaj ka kryer sipas tyre keqpërdorime të fondeve publike, gjë që i ka detyruar protestuesit ta mendojnë edhe këtë godinë si objekt të shprehjes së revoltës.

Erion Veliaj përballet me 13 akuza për 5 vepra të rënda penale, që janë ngritur ndaj tij në përfundim të hetimeve të kryera nga Prokuroria e Posaçme Kundër Korrupsionit dhe Krimit të Organizuar (SPAK).

Akuzat ndaj Veliajt lidhen kryesisht me korrupsion, shpërdorim detyre, pastrim i produktit të veprës penale dhe mosdeklarim të pasurisë.

Më konkretisht, 13 akuzat për 5 vepra të rënda penale janë:

1. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “A. K.” sh.p.k., parashikuar nga neni 260 e 25 i Kodit Penal;
2. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Fusha” sh.p.k., parashikuar nga neni 260 e 25 i Kodit Penal;
3. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Palushi” sh.p.k., parashikuar nga neni 260 e 25 i Kodit Penal;

Protesta e djeshme, zemërim jo vetëm ndaj qeverisë, por edhe ndaj

4. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “G.-A” sh.p.k., parashikuar nga neni 260 e 25 i Kodit Penal;
5. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Kontakt” sh.p.k., parashikuar nga neni 260 e 25 i Kodit Penal;
6. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Eventus” OJF, parashikuar nga neni 260 e 25 i Kodit Penal;
7. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Muza” OJF, parashikuar nga neni 260 e 25 i Kodit Penal;
8. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “BYL-A” OJF, parashikuar nga neni 260 e 25 i Kodit Penal;
9. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Frobolous” OJF, parashikuar nga neni 260 e 25 i Kodit Penal;
10. “Pastrimi i produkteve të veprës penale ose veprimtarisë kriminale”, kryer në bashkëpunim më shumë se një herë, parashikuar nga neni 287/2 i Kodit Penal;
11. “Futja ose mbajtja e sendeve të ndaluara në institucionin e ekzekutimit të vendimeve me burgim”, më shumë se një herë, parashikuar nga neni 324/a/2 i Kodit Penal;
12. “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, parashikuar nga neni 257/a/2 i Kodit Penal;
13. “Shpërdorimi i detyrës”, parashikuar nga neni 248 i Kodit Penal.

Me pak fjalë, fishekzjarrët dhe brohoritjet drejt godinës së Bashkisë së Tiranës përmbajnë një mesazh të qartë, se qytetarët nuk janë të gatshëm të harrojnë skandalin e kryebashkiakut të arrestuar të kryeqytetit, Erion Veliaj./CNA