Presidenti i CONMEBOL-it shpall Argjentinën, dy herë fituese të Finalíssimas: "Spanja nuk u paraqit..."
Nga OraNews Përditësimi i fundit 21 Mars 2026, 12:33
Alejandro Domínguez, president i CONMEBOL-it, shpalli Argjentinën dy herë fituese të Finalíssimas. Kjo sepse, sipas zyrtarit paraguajan, skuadra spanjole nuk u paraqit në finale - e cila duhej të zhvillohej më 27 mars - pavarësisht deklaratës më të fundit të UEFA-s që ia hodhi fajin Federatës Argjentinase.
Gjatë shortit për Copa Sudamericana dhe Copa Libertadores, Alejandro Domínguez u pyet për anulimin e ndeshjes dhe ai iu përgjigj menjëherë gazetarëve: "Duket si turp (anulimi)? Turp pse? A e dini kush është fituesi dy herë? Ne jemi fitues dy herë të Finalíssimas. Ata (Spanja) nuk u paraqitën...", u përgjigj ai.
Duhet të kujtojmë se vendimi për anulimin e Finalissimas iu komunikua publikut nga UEFA të dielën e kaluar (më 15 mars).
Në një deklaratë të publikuar në faqen e saj zyrtare të internetit, organizata drejtoi gishtin nga Federata Argjentinase (AFA), duke pretenduar se kishte refuzuar tre propozimet alternative që i ishin paraqitur pasi u vendos që Katari nuk mund ta priste ndeshjen për shkak të konfliktit në Lindjen e Mesme.
Megjithatë, dhe pavarësisht deklaratave të Alejandro Domínguez, asnjë fitues zyrtar i Finalíssimas 2026 nuk është njohur deri tani.
