VIDEO/ Evakuohen mbi 5 mijë banorë në Hawaii, shkak rreziku i shembjes së digës nga moti i keq

Nga OraNews Përditësimi i fundit 21 Mars 2026, 08:32

Një urdhër evakuimi është lëshuar për rreth 5,500 banorë në zonën përreth Wahiawa Dam, në Oahu të Hawaii.

Autoritetet paralajmërojnë për një “rrezik të menjëhershëm” të shembjes së digës.

Sipas agjencisë lokale të menaxhimit të emergjencave, diga në pjesën veriore të ishullit është në rrezik serioz për shkak të shirave të rrëmbyeshëm dhe përmbytjeve që kanë goditur zonën.

Situata është përkeqësuar ndjeshëm, duke rritur frikën për një katastrofë të mundshme. Autoritetet u kanë bërë thirrje banorëve që të largohen menjëherë nga zona dhe të ndjekin udhëzimet e emergjencës, me qëllim shmangien e rrezikut për jetën.