VIDEO/ E rëndë në Bolivi! Aeroplani ushtarak rrëshkiti nga pista e uljes dhe u përplas me disa makina, mbeten të paktën 20 viktima

Nga OraNews Përditësimi i fundit 28 Shkurt 2026, 08:17

Të paktën 20 persona humbën jetën dhe 30 të tjerë u plagosën të premten, pasi një avion transporti C-130 Hercules i Forcave Ajrore Boliviane që mbante kartëmonedha u rrëzua në aeroportin e El Alto, të kryeqytetit La Paz.

“Kemi rreth njëzet viktima, ndoshta edhe më shumë”, tha kreu i divizionit të krimit të policisë, Drejtori i Policisë Rene Tambo, në një konferencë për shtyp në El Alto, kur u pyet nëse kishte ndonjë informacion më shumë mbi numrin e të vdekurve në aksidentin e tmerrshëm, i cili ndodhi kur aeroplani i transportit rrëshqiti nga pista pas uljes dhe u përplas me disa makina.

Avioni ushtarak u rrëzua në rrethana ende të paqarta, me rrjetet televizive vendase që transmetojnë imazhe nga vendi i rrëzimit.

Pamjet tregojnë avionin duke pësuar dëme të mëdha dhe pjesën më të madhe të trupit të avionit që duket e shkatërruar.