EMRI/ I shpallur në kërkim nga Venecia për narkotikë dhe korrupsion, arrestohet 64-vjeçari në Berat
Nga OraNews Përditësimi i fundit 23 Shkurt 2026, 10:56
Shtetasi shqiptar, 64 vjeç Adriano Patosi, u arrestua në Berat nga policia shqiptare, pasi ishte i shpallur në kërkim ndërkombëtar nga autoritetet italiane për korrupsion dhe përfshirje në trafik narkotikësh.
Koordinimi mes Interpol Tiranës dhe homologëve italianë bëri të mundur ndalimin e tij, ndërsa specialistët e Seksionit për Hetimin e Krimeve Ekonomiko-Financiare dhe shërbimet e qarkullimit rrugor morën pjesë në operacion.
Gjykata e Apelit e Venecias kishte caktuar për të masën e sigurisë “Arrest në burg” për prodhim dhe shitje narkotikësh dhe për korrupsion.
Aktualisht vijon bashkëpunimi mes Interpol Tiranës dhe Interpol Romës për finalizimin e procedurës së ekstradimit të tij drejt Italisë.
