Goditet rrjeti i k*kainës në Ankona të Italisë/ Arrestohen dy të rinjtë shqiptarë, sekuestrohen 200 gramë lëndë narkotike dhe...
Nga OraNews Përditësimi i fundit 13 Shkurt 2026, 16:48
Dy të rinj shqiptarë janë arrestuar në Itali nga policia e Ankonës, pasi akuzohen si pjesë e një rrjeti të trafikut të kokainës në qytet.
Gjatë ndërhyrjes së oficerëve, u sekuestruan si prova të paktën 200 gramë kokainë me vlerë tregu mbi 10 mijë euro dhe 4 mijë euro cash të siguruara nga aktiviteti kriminal.
Operacioni u zhvillua vonë mbrëmjen e djeshme dhe përfundoi në orët e para të mëngjesit të sotëm. Oficerët e Skuadrës së Ankonës, të angazhuar në një vëzhgim dhe ndjekje, i ndoqën dy të rinjtë ndërsa ata po shkonin në fshat.
Atje, të dyshuarit u panë duke marrë diçka nga një vend i fshehur, një sjellje që ngjalli dyshime tek oficerët dhe nxiti operacionin.
Patrulla ndaloi mjetin e tyre dhe gjatë kontrollit gjeti afërsisht 50 pako kokainë të gatshme për t’u hedhur në treg. Kontrolli vazhdoi më pas në banesën e dy të rinjve, ku u gjetën sasi shtesë kokaine, si dhe të gjitha pajisjet e nevojshme për të peshuar dhe paketuar substancën narkotike.
Duke pasur parasysh provat serioze të mbledhura, dy shqiptarët u arrestuan në flagrancë, informon media italiane.
Me urdhër të Zëvendës Prokurorit të Detyrës në Prokurorinë Publike të Ankonës, të rinjtë u transferuan në Burgun e Montacuto, ku mbeten në dispozicion të autoriteteve gjyqësore.
