Dh*nohet avokati i Ilir Metës, Kujtim Cakrani përfundon në spitalin e Vlorës
Nga OraNews Përditësimi i fundit 8 Shkurt 2026, 14:20
Avokati Kujtim Cakrani ka rënë pre e një sulmi mesditën e sotme në Vlorë. Mësohet se persona ende të pa identifikuar kanë dhunuar brutalisht.
Cakrani është dhunuar në një pikë karburanti pas një konflikti të çastit me disa persona të tjerë.
Cakrani pas dhunës është dërguar në spitalin e Vlorës për të marrë mjekim.
Ende nuk dihet gjendja mjekësore e Cakranit. Ndërkohë që pritet një njoftim nga autoritetet policore së shpejti.\
Njoftimi i policisë:
Vlorë/Informacion paraprak
Rreth orës 13:30, në rrugën Tranballkanike, pranë një karburanti, gjatë kohës që do furnizonte automjetin me karburant, shtetasi K.C., 55 vjeç, me profesion avokat, është përfshirë në një konflikt me dy persona ende të paidentifikuar.
Konflikti, që paraprakisht dyshohet se ka të bëjë me pozicionimin e automjetit në pikën e furnizimit dhe bllokimin e mjeteve të tjera, është përshkallëzuar, dhe dy personat ende të paidentifikuar e kanë goditur fizikisht shtetasin K.C., i cili po merr ndihmë mjekësore në spital.
Nga veprimet e para hetimore është bërë e mundur identifikimi i automjetit me të cilin janë larguar dy shtetasit.
Grupi hetimor, nën drejtimin e Prokurorisë, po punon për zbardhjen e plotë të rrethanave të ngjarjes, si dhe për identifikimin dhe kapjen e autorëve.
