Ndërtimi po del nga informaliteti, Rama: Rezultate domethënëse nga sensibilizimi
Nga Gisela Çota Përditësimi i fundit 1 Shkurt 2026, 14:35
Kryeministri Edi Rama ne podkastit ‘Flasim, bëri bilancin e përpjekjeve të administratës tatimore për të luftuar informalitetin në ndërtim, duke vënë në dukje rritjen e pagave të deklaruara dhe të kontributeve shoqërore.
Ai theksoi ndryshimet në strukturën e pagave, përfshirë uljen e pagave në nivelin 500 euro, si dhe uljen e informalitetit
Kryeministri Edi Rama ka bërë bilancin e përpjekjeve të administratës Tatimore për të luftuar informalitetin në sektorin e ndërtimit, duke evidentuar rritje të dukshme të pagave të deklaruara dhe kontributeve shoqërore dhe shëndetësore
Gjatë podkastit të tij “Flasim”, Rama u ndal tek objektivat e Tatimeve, duke theksuar rëndësinë e formalizimit të tregut të punës.
Sipas tij, rezultatet janë të dukshme në fondin e pagave dhe kontributeve shoqërore.
Rama vuri në dukje gjithashtu një ndryshim të ndjeshëm në strukturën e pagave dhe ulje te ekonomisë informale.
Si pjesë e këtij aksioni të gjerë, administrata tatimore ka ushtruar edhe kontrolle të thelluara në tregun e pasurive të paluajtshme, ku janë evidentuar shkelje të rënda tatimore.
Kontrolli i 20 janarit në 9 agjenci imobilare zbuloi punonjës të padeklaruar, paga jo reale, mungesë faturimi dhe evazion në shitjen e apartamenteve.
Struktura e Hetimit Tatimor ka sekuestruar edhe njësi kompjuterike për të thelluar hetimin dhe për t’i referuar çështjet në organet e drejtësisë, si pjesë e vijimit të aksionit që kishte nisur të paralajmërohej që në dhjetor të kaluar përmes njoftimeve ndaj tatimpaguesve për deklarim të pagave reale
