Reforma e re në Gjermani/ Promovohet heqja e ditës së punës tetë-orëshe me qëllim forcimin e turizmit
Nga OraNews Përditësimi i fundit 30 Janar 2026, 19:40
Ministria Gjermane e Ekonomisë po promovon një reformë që synon zëvendësimin e ditës standarde tetë-orëshe me një maksimum javore pune, me qëllim të rritjes së fleksibilitetit, sidomos në sektorin e turizmit.
Reforma pritet të hyjë gradualisht në fuqi deri në vitin 2026 dhe do të lejojë zgjatjen e orarit ditor në përputhje me nevojat, duke kompensuar punonjësit financiarisht ose me kohë të lirë.
Strategjia, pjesë e Strategjisë Kombëtare për Turizmin, ka nxitur reagime të forta nga sindikatat gjermane, të cilat paralajmërojnë protesta dhe luftë për të mbajtur të paprekur ditën tetë-orëshe.
Kreu i sindikatës Ver.di, Frank Wernecke, e përshkroi reformën si një “dritë jeshile” për punëdhënësit për të shfrytëzuar punonjësit.
Ministria e Ekonomisë dhe ajo e Punës po punojnë për hartimin e një projektligji, që pritet të prezantohet deri në verë, me qëllim të rregullimit të kohës maksimale javore të punës për të gjithë sektorët e ekonomisë.
