Kremlini mbështet Trumpin/ Zelensky po vonon paqen, SHBA ende pa përgjigje për a*mët bërthamore
Nga OraNews Përditësimi i fundit 15 Janar 2026, 12:25
Kremlini tha të martën se Rusia pajtohet me pikëpamjen e Presidentit të SHBA-së Donald Trump se Presidenti ukrainas Volodymyr Zelensky , jo Rusia, po vonon një marrëveshje të mundshme paqeje për t'i dhënë fund luftës në Ukrainë.
Mediat e huaja shkruajnë se, zëdhënësi i Kremlinit Dmitry Peskov, tha se, Rusia do të mirëpriste të dërguarin e Shtëpisë së Bardhë,Steve Witkoff dhe dhëndrin e Presidentit të SHBA-së Donald Trump, Jared Kushner, sapo të bihet dakord për një datë për vizitën.
SHBA-të nuk i janë përgjigjur propozimit të tij për kontrollin e armëve bërthamore
Peskov tha gjithashtu se Shtetet e Bashkuara nuk i ishin përgjigjur propozimit të Presidentit Vladimir Putin për të zgjatur në mënyrë jozyrtare për një vit kushtet e marrëveshjes së fundit të mbetur për armët bërthamore midis Moskës dhe Uashingtonit, traktatit të Ri START, i cili do të skadojë pas tre javësh.
Zëdhënësi i Kremlinit e bëri deklaratën në përgjigje të një pyetjeje në lidhje me komentet e Presidentit të SHBA-së Donald Trump, i cili tha se donte një marrëveshje më ambicioze për kontrollin e armëve bërthamore që do të përfshinte Kinën, diçka për të cilën Pekini deri më tani nuk ka treguar interes.
