SITUATA/ Përroi i Zaranikës dhe i Paprit prurje mbi mesatare, rrezik për përmbytje në qarkun Elbasan
Nga OraNews Përditësimi i fundit 10 Janar 2026, 10:14
Përgjatë natës, në qarkun Elbasan kanë vazhduar reshjet e shiu të karakterizuara nga intensitet të ulët dhe sporadik. Edhe mëngjesin e sotëm, këto reshje kanë vazhduar me të njëjtin intensitet.
Lumi Shkumbin ka prurje mbi mesataren e tij, duke paraqitur një situatë problematike në disa zona. Këto prurje të larta kanë rritur rrezikun për përmbytje, veçanërisht në rajonet afër brigjeve të lumit.
NJOFTIMI
Në qarkun Elbasan gjatë natës kanë rënë reshje shiu sporadike me intensitet të ulët. Edhe mëngjesin e sotëm, reshjet vijojnë me të njëjtin intensitet. Situata deri në këto momente paraqitet pa probleme.
Në aksin rrugor nacional Elbasan-Qerret, në vendin e quajtur Dragostunjë, ka pasur ndërhyrje rreth orës 03:00 nga firma kontraktuese për pastrimin e aksit nga një masiv dheu. Pas ndërhyrjes, qarkullimi vijon normalisht.
Prurjet e lumit Shkumbin janë mbi mesataren e tij, por deri tani nuk paraqesin probleme. Po ashtu, edhe perroi i Zaranikës dhe i Paprit janë në nivele normale.
Vijojnë shkarkimet nga HEC-i i Banjës që, që prej mesditës së djeshme, kanë arritur nivele të larta. Në orën 09:00 pritet një rritje e mëtejshme në shkarkime, që do të arrijnë në 290 m3/sek, dhe së bashku me prodhimin do të jenë 390 m3/sek.
Janë njoftuar bashkitë Cerrik dhe Belsh për të qenë në gatishmëri në zonën ku kalon lumi Devoll, për të ndërhyrë në rast të mundshëm të përmbytjeve.
