Arrestime dhe procedime penale në qarkun Korçë
Nga OraNews Përditësimi i fundit 25 Dhjetor 2025, 12:52
Policia e Korçës njofton për disa procedime penale:
Korçë, 25 dhjetor 2025 – Drejtoria Vendore e Policisë Korçë bën me dije se gjatë kontrollimeve të fundit janë kryer disa veprime ligjore dhe janë referuar materiale në Prokurori për raste të ndryshme:
Arrestim për armë pa leje: E. K., 46 vjeç, banues në Korçë, u kap me dy thika që i posedonte pa leje.
Ai u arrestua në flagrancë dhe mjetet iu sekuestruan si prova.Dhunë ndaj të miturit: V. Z., 62 vjeç dhe M. Z., 23 vjeç, dyshohet se kanë goditur një 13-vjeçar në lagjen nr.17 të Korçës për motive të dobëta. Rasti po ndiqet nga Prokuroria.
Aksident rrugor: A. Gj., 26 vjeç, banues në Pukë, humbi kontrollin mbi automjetin pranë fshatit Rëmbec, Maliq. Pas aksidentit u dëmtuan drejtuesi dhe dy pasagjerë, të cilët u dërguan në spital. Rasti është referuar në Prokurori.
Aktivitet pa dokumentacion: A. G., 54 vjeç, nga fshati Buçimas, Pogradec, ushtronte aktivitet në lokal pa dokumentacion të rregullt. Materialet janë referuar në Prokurori.
Të gjitha rastet po ndiqen nga Prokuroria e Korçës për veprime të mëtejshme ligjore.
