Rritje e ''ftohtë'' e pagave/ Paga mesatare rritet me ritme më të ngadalta në tremujorin e tretë të 2025
Nga Gisela Çota Përditësimi i fundit 11 Dhjetor 2025, 18:15
Ritmet e rritjes së pagave në Shqipëri kanë hyrë në një fazë ngadalësimi.
Sipas të dhënave të INSTAT, paga mesatare në tremujorin e tretë 2025 arriti në 83 mijë lekë, me një rritje prej 7.3%, ndjeshëm më e ulët se një vit më parë, kur rritja kapte nivelin e mbi 8%.
Sipas ekspertit të punësimit Erion Muço ky ngadalësim lidhet me disa faktorë.
Ndër sektorët më të paguar, në krye mbeten financat dhe teknologjia, çka eksperti e lidh me disa arsye.
Rritjen e pagave në ndërtim në nivelin e 12,8 % Muço e lidh me mungesën e fuqisë punëtore.
Në tregun e punës, diferencat gjinore mbeten shqetësuese, pasi pjesëmarrja e grave ka rënë.
Lidhur me punësimin, por edhe me raportin e fundit të BERZH në të cilën thuhej se 23% e te rinjve të diplomuar shqiptarë gjatë vitit 2024 kanë emigruar, eksperti apelon për politika reale rikthimi, oferta konkrete pune dhe meritokraci.
Ndërkohë të dhenat e fundit të INSTAT tregojnë se niveli i papunësisë në tremujorin e tretë të vitit 2025, për grupmoshën 15 vjeç e lart rezulton 8,1 %, shifër kjo thuajse e pandryshuar me po të njëjtën periudhë të vitit të kaluar.
